Yeniyetmə cüdoçuların Avropa çempionatı

Xalq qazeti portalından verilən məlumata əsasən, ain.az bildirir.

Aprelin 4-də Gəncədə cüdo üzrə yeniyetmələr arasında Avropa Kuboku start götürüb. 

Gəncə İdman Sarayında təşkil olunan beynəlxalq yarışda 10 ölkənin 269 cüdoçusu (180 oğlan, 89 qız) iştirak edir. 

Turnirin ilk günündə oğlanlar 50 kq, 55 kq, 60 kq, 66 kq; qızlar 40 kq, 44 kq, 48 kq və 52 kq çəki dərəcələrində mübarizə aparır.

Avropa Kubokunda ölkəmizlə yanaşı Belarus, Bolqarıstan, Gürcüstan, Qazaxıstan, Qırğızıstan, Portuqaliya, Tacikistan, Türkiyə və Amerika Birləşmiş Ştatlarının cüdoçuları 16 çəki dərəcəsində qüvvəsini sınayırlar. Analoji yarışa dördüncü dəfə ev sahibliyi edən Azərbaycan turnirdə 127 idmançı ilə təmsil olunur.

Qabil YUSÄ°FOÄžLU

XQ

Sonrakı hadisələr barədə daha çox məlumat almaq üçün ain.az saytını izləyin.