Deputat: “Rusiya Azərbaycanla münasibətləri pozsa, bu, onun üçün çox pis nəticələnə bilər”

“Rusiya Federal Təhlükəsizlik Xidmətinin Yekaterinburqda yaşayan həmyerlilərimizi qətlə yetirməsi ilə başlayan gərginlik fonunda azərbaycanlılara qarşı təzyiqlər davam etməkdədir. Eyni zamanda, Azərbaycan bunun qarşılığını verdi, Rusiya da fərqindədir ki, Azərbaycana bu cür addımlarla təzyiq etmək mümkün deyil. Azərbaycan artıq əvvəlki Azərbaycan deyil”.

Bunu Demokrat.az-a açıqlamasında millət vəkili Arzuxan Əlizadə deyib.

Onun sözlərinə görə, Rusiya da başa düşməlidir ki, bu gün Ukrayna ilə müharibə fonunda bütün dünyanı qarşısına alıb:

“Azərbaycan Rusiya üçün bir nəfəslik rolu oynayırdı. Rusiya Azərbaycan və Türkiyə ilə münasibətləri pozsa, bu onun üçün çox pis nəticələnə bilər. Bu baxımdan, düşünmürəm ki, gərginliyi sona qədər aparsınlar. Sadəcə, bir təzyiq vasitəsi kimi istifadə etmək istədilər. Gördülər ki, nə etsələr, 5 qatı onlara qarşı ediləcək”.

Deputat qeyd edib ki, Azərbaycan heç bir halda geri çəkilən deyil:

“Azərbaycan Prezidenti birmənalı şəkildə dedi ki, dünyanın hər yerində yaşayan azərbaycanlıların prezidentidir və harada yaşamağından asılı olmayaraq, azərbaycanlılara qarşı atılan addıma ciddi reaksiya veriləcək.

Ona görə hesab edirəm ki, yaxın müddət ərzində Rusiya geri addım atmaq məcburiyyətindədir. Çünki bu gərginlik davam edəcəksə, Rusiyanın əleyhinə olacaq.

Düşünürəm ki, yaxın zamanda Rusiya gərginliyin azalması üçün cəhdlər etməyə çalışacaq”.

Cavidan Mirzəzadə
Demokrat.az

Избранный

demokrat.az

Deputat: “Rusiya Azərbaycanla münasibətləri pozsa, bu, onun üçün çox pis nəticələnə bilər”

Войдите в свой аккаунт

Регистр

Сброс пароля