ABŞ prezidenti Donald Tramp Avropa liderlərini avqustun 18-də Ağ Evdə Ukrayna prezidenti Vladimir Zelenski ilə görüşə qoşulmağa dəvət edib.
Bu barədə The New York Times xəbər verir.
Trampın Rusiya diktatoru Vladimir Putinlə görüşdüyü Alyaska sammitindən sonra Tramp gözlənilmədən Ukrayna və Avropa ilə bağlı mövqeyini dəyişib. İndi o, Ukrayna Donbasının işğal olunmamış ərazilərini Rusiyaya keçirməklə barışıq planını dəstəkləyir.
“Tramp bu planı bazar ertəsi Ağ Evdə Ukrayna prezidenti Vladimir Zelenski ilə müzakirə edəcək və Avropa liderləri də qoşulmağa dəvət edilib”, – nəşr öz mənbələrinə istinadən qeyd edir.
Eyni zamanda, nəşr qeyd edir ki, Avropa liderləri və Zelenski Trampın belə təşəbbüsünün qəti əleyhinədir. Birincisi, bu ərazilər mühüm ehtiyatlara malikdir və həm də yaxşı möhkəmləndirilmişdir.
İkincisi, Ukrayna rəsmiləri deyirlər ki, Rusiya ilə razılaşma Kiyevin öz suveren ərazisindən hər hansı birindən imtina etməyə razılığını təmin edə bilməz, çünki bu, Konstitusiyanı pozar.
Qeyd edək ki, nəşrin yazdığına görə, Tramp Zelenskini Rusiya diktatoru Vladimir Putinin təklif etdiyi sövdələşmənin tərəfinə keçməyə inandırmaq istəyir. Söhbət “sülh razılaşması” müqabilində Ukrayna qoşunlarının Donbassdan çıxarılmasından gedir. Eyni zamanda, Putinin Ukraynanın cənubunda cəbhə xəttini “dondurmağa” və Ukraynaya bir daha hücum etməyəcəyinə dair yazılı öhdəlik verməyə hazır olduğu iddia edilir.
Əziz Mustafa
