Fransa yığmasının Bakıya gələcək heyəti açıqlandı

Fransa yığmasının DÇ-2026-nın seçmə mərhələsində Ukrayna və Azərbaycan millilərinə qarşı keçirəcəyi oyunlar üçün heyəti açıqlanıb.

Arena.az xəbər verir ki, baş məşqçi Didye Deşam D qrupunda noyabrın 13-də evdə Ukrayna, 16-də isə Bakıda Azərbaycan millisinə qarşı baş tutacaq matçlara 24 futbolçu dəvət edib.

Qapıçılar: Lyuka Şevalye (PSJ), Mayk Menyan (“Milan”, İtaliya), Bris Samba (“Renn”);

Müdafiəçilər: Lyuka Din (“Aston Villa”, İngiltərə), Teo Ernandes (“Əl-Hilal”, Səudiyyə Ərəbistanı), İbrahima Konate (“Liverpul”, İngiltərə), Jül Kunde (“Barselona”, İspaniya), Vilyam Saliba (“Arsenal”, İngiltərə), Dayo Upamekano (“Bayern”, Almaniya), Malo Qusto (“Çelsi”, İngiltərə), Lyuka Hernandes (PSJ);

Yarımmüdafiəçilər: Eduardo Kamavinqa (“Real”, İspaniya), Nqolo Kante (“Əl-İttihad”, Səudiyyə Ərəbistanı), Manu Kone (“Roma”, İtaliya), Maykl Olise (“Bayern”, Almaniya), Uorren Zair-Emeri (PSJ);

Hücumçular: Maqnes Akliuş (“Monako”), Bredli Barkola (PSJ), Rayan Şerki (“Mançester Siti”, İngiltərə), Huqo Ekitike (“Liverpul”, İngiltərə), Randal Kolo Muani (“Tottenhem”, İngiltərə), Jan-Filipp Mateta (“Kristal Pelas”, İngiltərə), Kilian Mbappe (“Real”, İspaniya), Kristofer Nkunku (“Milan”, İtaliya).

Qeyd edək ki, Fransa yığmasının Azərbaycan millisi ilə qarşılaşması noybarın 16-da Bakıdakı Tofiq Bəhramov adına Respublika stadionunda baş tutacaq. Oyuna saat 21:00-da start veriləcək.

Xəbəri istədiklərinizlə paylaşın