Almaniyanın "Kayzerslautern" klubu bu gün 28 yaşı tamam olan Mahir Emrelini təbrik edib.
"Cebheinfo.az" xəbər verir ki, "Bakı" Futbol Akademiyasının yetirməsi olan Emreli sonradan karyerasını "Qarabağ", "Legiya" (Polşa), "Dinamo" (Xorvatiya), "Konyaspor" (Türkiyə), "Nürnberq"də (Almaniya) davam etdirib. Azərbaycan millisinin hücumçusu ötən ay Almaniyanın 2-ci bundesliqa təmsilçisi "Kayzerslautern"lə müqavilə imzalayıb.
Futbolçunun yeni klubu bu gün sosial media hesabları vasitəsilə M.Emrelini doğum günü münasibətilə təbrik edib.
"Qırmızı-ağlar"la ilk ad günü. Doğum günün mübarək, Mahir!" - deyə təbrik mesajında bildirilib.
"Cebheinfo.az"
