Avqustun 15-də futbol üzrə Azərbaycan çempionatında (Premyer Liqa) 2025/2026-cı illər mövsümünə start veriləcək.
Arena.az xəbər verir ki, sayca 34-cü Azərbaycan çempionatına qədər baş tutan 33 mövsümdə ən çox oyun keçirən futbolçu Rahid Əmirquliyevdir.
Ötən mövsümdə 2-ci Liqada çıxış etmiş “Şahdağ Qusar”ın formasını geyinmiş yarımmüdafiəçi Premyer Liqada 451 matça çıxıb.
Onun kimi Mahmud Qurbanov da “400” səddini keçib. O, 421 oyunda iştirak edib.
İlk “üçlüy”ü Rəşad Sadiqov qapayır. Onun hesabında 392 görüş var.
Ötən mövsümdə Premyer Liqada meydana çıxanlar arasında rekordçu Qara Qarayevdir. “Araz-Naxçıvan”ın yarımmüdafiəçisi Əmirquliyevin rekordundan 100 oyun geri qalır. “Qəbələ” ilə Premyer Liqaya yüksəlmiş Asif Məmmədov ümumi siyahıda 4-cü yerə şərikdir.
33 mövsümdə ən çox oyun keçirən 33 futbolçu
- Rahid Əmirquliyev – 451
- Mahmud Qurbanov – 421
- Rəşad Sadiqov – 392
- Asif Məmmədov – 388
- Azər Məmmədov – 388
- Aslan Kərimov – 382
- Rəşad Abdullayev – 378
- Elvin Məmmədov – 376
- Maksim Medvedev – 376
- Vurğun Hüseynov – 368
- Aqil Məmmədov – 363
- İsmayıl Məmmədov – 351
- Qara Qarayev – 351
- Rəşad Sadıqov – 343
- İlkin Qırtımov – 339
- Elnur Abdullayev – 334
- Vüqar Nadirov – 332
- Ürfan Abbasov – 329
- Rail Məlikov – 328
- Kənan Kərimov – 327
- Tural Axundov – 324
- Slavik Alxasov – 319
- Nadir Nəbiyev – 316
- Rauf Əliyev – 315
- Mübariz Orucov – 311
- Müşfiq Hüseynov – 305
- Ədəhim Niftəliyev – 303
- Arif Daşdəmirov – 302
- Kamal Quliyev – 302
- Rəhman Hacıyev – 302
- Mehman Yunusov – 298
- Viktor İqbekoyi – 294
- Aleksandr Çertoqanov – 293
