İki güləşçimiz dünya çempionatının fəxri kürsüsündə

Bolqarıstanın Samokov şəhərində güləş üzrə U-20 dünya çempionatında ikinci gün arxada qalıb.

"Football-plus.az" xəbər verir ki, sərbəst güləşdə ilk medalçılar bəlli olub.

Yığmamızın iki üzvü bürünc uğrunda mübarizə aparıb.

70 kq
Nurlan Ağazadə bürünc mükafat uğrunda Qoqa Otanişvili ilə yarışıb. 4:0 hesabı ilə qalib gələn güləşçimiz yığmamız ilk medalı qazandırıb.

125 kq
Yusif Dursunov 3-cü yer uğrunda görüşdə Levan Laqvilava (Fransa) üz-üzə gəlib. 3:1 hesabı ilə qalib gələn Yusif çempionatın bürünc medalına sahib çıxıb.

Qeyd edək ki, sabah sərbəst güləşdə son medalçılar bəlli olacaq.