Ağ Evdəki danışıqlar zamanı Avropa liderləri ABŞ prezidenti Donald Trampın rusiyalı həmkarı Vladimir Putinə zəng edəcəyini gözləmirdilər...
Poliqon xəbər verir ki, bunu Fow News telekanalına müsahibəsində ABŞ-ın vitse-prezidenti J.D.Vens deyib.
Onun sözlərinə görə, Avropa liderləri Trampın gələn həftə Putinlə əlaqə saxlayacağını güman ediblər. Ancaq Ağ Evin sahibi gözləmədi.
"Moskvada saat neçədir? Gəlin ona indi zəng edək" deyə Vens dövlət başçısının sözlərindən sitat gətirib.
Avqustun 18-də Ağ Evdə Zelenski və Avropa liderləri ilə danışıqlar zamanı Donald Tramp Putinlə telefon danışığına fasilə verib. Rusiya liderinin köməkçisi Yuri Uşakovun sözlərinə görə, söhbət təxminən 40 dəqiqə davam edib və səmimi və konstruktiv olub. Amerika prezidenti Putinə Kiyev və avropalı tərəfdaşlarla məsləhətləşmələri barədə məlumat verib, həmçinin Vaşinqtonun gələcək sülh prosesi ilə bağlı mövqeyini açıqlayıb.
Poliqon.info
