“Qarabağ”ın UEFA Çempionlar Liqasının pley-off mərhələsindəki cavab oyununun hakimləri məlum olub.
Modern.az xəbər verir ki, UEFA-nın rəsmi saytında yer alan məlumata görə, Bakıda Macarıstanın “Ferensvaroş” klubu ilə keçiriləcək görüşə Fransadan olan hakimlər təyinat alıblar.
Qarşılaşmanı Kleman Türpen idarə edəcək. Baş hakimin köməkçiləri Nikolya Danos və Aleksis Orjie olacaqlar. Dördüncü hakim funksiyasını Romen Lissorq yerinə yetirəcək.
VAR hakimi Jerom Brizar, onun köməkçisi isə Nikolya Renvil olacaq.
Qeyd edək ki, avqustun 27-də Tofiq Bəhramov adına Respublika Stadionunda keçiriləcək "Qarabağ" - “Ferensvaroş” oyunu saat 20:45-də start götürəcək. İlk matçda Ağdam təmsilçisi rəqibinə 3:1 hesabı ilə qalib gəlib.
