Armaninin 12 milyardlıq mirası kimə qalacaq?

Məşhur İtalyan dizayneri Corco Armaninin mirası ilə bağlı detallar üzə çıxıb.

OLAY yazır ki, dünyanın ən varlı dizaynerlərindən biri olan Armaninin sərvətinin təxminən 12 milyard dollar dəyərində olduğu hesab edilir. 

Heç ailə qurmadığı və övladı olmadığı üçün bütün dünyanın diqqəti Armaninin sərvətinin kimə qalacağına yönəlib.

Belə hesab olunur ki, milyardlarla dollarlıq sərvət və “Armani” brendinin varisliyi onun modelyer bacısı Rosanna, onun övladları Silvana və Roberta arasında bölüşdürüləcək.

Bundan başqa, Armaninin qardaşı Sergionun oğlu Andre Armaniyə də miras payı veriləcəyi ehtimal olunur.