Reykyavik, 6 sentyabr, AZƏRTAC
Futbol üzrə Azərbaycan milli komandası 2026-cı il dünya çempionatının seçmə mərhələsində mübarizəyə başlayıb.
AZƏRTAC xəbər verir ki, Fernandu Santuşun başçılıq etdiyi kollektiv D qrupunun ilk oyununda İslandiya yığmasının qonağı olub. Reykyavikdəki "Lauqardalsvöllur" stadionunda oynanılan qarşılaşma rəqibin 5:0 hesablı qələbəsi ilə başa çatıb. Meydan sahiblərinin heyətində qolları Viktor Palsson, İsak Yohannesson (2), Albert Qudmundsson və Daniel Leo Qretarssonn vurublar.
Qeyd edək ki, Azərbaycan millisi qrupda ikinci oyununu sentyabrın 9-da Bakıda Ukrayna yığmasına qarşı keçirəcək.
23:58
DÇ-2026-nın Avropa zonası üzrə seçmə mərhələsində Reykyavik şəhərində keçirilən İslandiya - Azərbaycan oyununda ikinci qol vurulub.
AZƏRTAC xəbər verir ki, meydan sahibləri növbəti dəfə fərqləniblər - 2:0.
İsak Yohannesson 47-ci dəqiqədə yığmamızın qapısına yol tapıb.
23:47
DÇ-2026-nın Avropa zonası üzrə seçmə mərhələsində Reykyavik şəhərində keçirilən İslandiya - Azərbaycan oyununda ikinci hissə başlayıb.
AZƏRTAC xəbər verir ki, ilk hissədən sonra hesab meydan sahiblərinin xeyrinədir - 1:0.
Yeganə qolu 45+2-ci dəqiqədə Viktor Palsson vurub.
23:35
DÇ-2026-nın Avropa zonası üzrə seçmə mərhələsində Reykyavik şəhərində keçirilən İslandiya - Azərbaycan oyununda ilk hissə başa çatıb.
AZƏRTAC xəbər verir ki, yığmamız fasiləyə 0:1 hesabı ilə məğlub yollanıb. Rəqibin heyətində qolu 45+2-ci dəqiqədə Viktor Palsson vurub.
Qeyd edək ki, qarşılaşmanı niderlandlı FIFA referisi Sander van der Eyk idarə edir.
22:45
DÇ-2026-nın Avropa zonası üzrə seçmə mərhələsində Reykyavik şəhərində keçirilən İslandiya - Azərbaycan oyunu başlayıb.
AZƏRTAC xəbər verir ki, görüş Bakı vaxtı ilə saat 22:45-də start götürüb.
Qarşılaşmanı niderlandlı FIFA referisi Sander van der Eyk idarə edir.
