Apa.az portalından verilən məlumata əsasən, ain.az bildirir.
Bu ilin ilk üç rübü ərzində Cənubi Qafqaz Boru Kəməri (CQBK) üzrə xərclər təqribən 73 mln. ABŞ dolları səviyyəsində olub, bu da ötən ilin göstəricisinə bərabərdir.
Bu barədə “APA-Economics” BP şirkətinin Azərbaycanda fəaliyyətinə dair cari ilin ilk doqquz ayıının nəticələrinə həsr olunmuş hesabatına istinadən xəbər verir.
Hesabata əsasən, hesabat dövründə CQBK üzrə əməliyyat xərcləri təqribən 52 milyon dollar (13,3% azalma), əsaslı xərclər isə təxminən 21 milyon dollar (61,5% artım) olub.
Qeyd olunur, CQBK boru kəməri 2006-cı ilin sonlarında istismara verilib və Azərbaycan, Gürcüstan və Türkiyəyə Şahdəniz qazını çatdırır, Cənubi Qafqaz Boru Kəmərinin genişləndirilməsi (CQBKG) sistemi isə kommersiya qaz həcmlərinin Türkiyəyə çatdırılmasına 2018-ci ilin iyun ayında, Avropaya isə 2020-ci ilin dekabr ayında başlayıb.
"İlin ilk üç rübü ərzində CQBK-nin ixrac üçün gündəlik orta ötürücülük gücü 63,1 milyon kubmetr olub", - hesabatda qeyd olunur.
Hadisənin gedişatını izləmək üçün ain.az saytında ən son yeniliklərə baxın.
