Hurriyyet.az xəbər verir ki, Rusiya ilə Ermənistan Azərbaycan vasitəsilə tranzitin genişlənməsi məsələlərini müzakirə edirlər.
Rusiyanın Baş nazirinin müavini Aleksey Overçuk Moskva ilə İrəvanın Azərbaycan ərazisi vasitəsi ilə gübrə tədarükünün mümkünlüyünü müzakirə etdiklərini bildirib.
O, Rusiya taxılının Azərbaycan ərazisindən Ermənistana ilk nəqlini "mühüm hadisə" adlandırıb.
Overçuk deyib: "Mühüm bir hadisə baş verdi, biz bunu həqiqətən əhəmiyyətli hesab edirik - (noyabrın əvvəlində, — red.) Rusiya taxılını daşıyan ilk qatar Azərbaycan və Gürcüstan ərazisindən Ermənistana keçdi. Yəni, 30 ildən çox müddətdə ilk dəfə və Ermənistanla Azərbaycanın müstəqilliyindən bəri ilk dəfə taxıl daşıyan ilk qatar keçdi... Sonra Qazaxıstan taxılı Azərbaycan ərazisindən keçirilərək Ermənistana nəql edildi. Biz hazırda bu xəttin digər növ yüklərlə — gübrələrlə yüklənməsi imkanını müzakirə edirik".
Onun sözlərinə görə, Moskva ilə İrəvan Ermənistandan idxal yolu ilə ikitərəfli tədarükü genişləndirməyi müzakirə edirlər: "Söhbət Ermənistandan Rusiyaya Azərbaycan ərazisindən əks istiqamətdə yüklərin göndərilməsini təmin etməkdir. Son vaxtlara qədər bunların hamısı mümkün olmayan hadisələr kimi görünürdü".
Hürr Tərcüman
