Amerika Birləşmiş Ştatları (ABŞ) Prezidenti Donald Tramp Rusiya Prezidenti Vladimir Putinlə telefonla danışıb.
AZƏRTAC-ın məlumatına görə, bu barədə ABŞ Prezidenti “Truth” sosial şəbəkəsində yazıb.
O, danışığın yaxşı və çox məhsuldar keçdiyini bildirib.
Qeyd edək ki, zəng Donald Trampın ukraynalı həmkarı Volodimir Zelenski ilə görüşü öncəsi baş tutub. Bu görüş yerli vaxtla saat 13:00-da (Bakı vaxtı ilə 22:00) ABŞ Prezidentinin Floridadakı iqamətgahında keçiriləcək.
