Hindistanın Çandigar şəhərində dövlət məktəblərində müəllimlər üçün məcburi geyim kodu tətbiqinə dair hökumət təşəbbüsü ciddi narazılıqla qarşılanıb. Müəllimlər bu qərarın əməkdaşların azad seçim hüququna zidd olduğunu bildirərək etiraz aksiyaları keçiriblər.
AzEdu.az-ın xarici mediadan əldə etdiyi məlumata görə, etirazların ardından rəsmi qurumlar geyim kodu ilə bağlı tətbiqi prosesin 14 avqusta qədər təxirə salındığını açıqlayıb. Müəllimlər bir neçə məktəbdə işə formal geyim olmadan gəlməkdə israrlı olduqlarını bildiriblər.
Təhsil rəsmiləri isə məsələ ilə bağlı dialoqa açıq olduqlarını və yeni qərarın kollektiv razılıq əsasında formalaşdırılmasının vacibliyini vurğulayıblar.
