İstanbul, 29 dekabr, Günel Karatepe, AZƏRTAC
Türkiyənin Yalova şəhərində İŞİD terror təşkilatının üzvlərinə qarşı keçirilən əməliyyat zamanı terrorçular tərəfindən açılan atəş nəticəsində 3 polis əməkdaşı həlak olub.
AZƏRTAC xəbər verir ki, bu barədə Türkiyənin daxili işlər naziri Ali Yerlikaya bildirib.
Nazir hadisə zamanı 8 polis və 1 mühafizəçinin də yaralandığını deyib. Əməliyyat zamanı 6 İŞİD terrorçusu zərərsizləşdirilib.
Terrorçuların olduğu ünvanda aşkarlanan 5 qadın və 6 uşaq təhlükəsiz şəkildə təxliyə edilib.
