2025-ci ilin yanvar-iyul ayları ərzində Azərbaycanda kredit sığortası üzrə sığorta şirkətlərinin yığımları 2,519 milyon manat təşkil edib. Bu göstərici 2024-cü ilin eyni dövrü ilə müqayisədə 139 min manat və ya 5,2% azalma deməkdir.
Finss.az bu barədə Azərbaycan Mərkəzi Bankına istinadən xəbər verir.
Hesabat dövründə kredit sığortası üzrə ödənişlərin həcmi 41 min manat təşkil edib ki, bu da ötən ilin eyni dövrü ilə müqayisədə 2 min manat və ya 4,6% azalma deməkdir.
Qeyd edək ki, 2025-ci ilin yanvar-iyul aylarında Azərbaycandakı bütün sığorta şirkətləri üzrə xətti sığorta yığımları 937,658 milyon manat təşkil edib. Bu göstərici 2024-cü ilin müvafiq dövrü ilə müqayisədə 104,4 milyon manat və ya 12,5% artım göstərir. Eyni dövrdə sığorta ödənişləri isə 529,307 milyon manat təşkil edib ki, bu da əvvəlki ilin eyni dövrü ilə müqayisədə 90,7 milyon manat və ya 20,7% artımı ifadə edir.
Fuad Mədətov
Finss.az
