İyunun 27-də Rusiyanın Yekaterinburq şəhərində vəhşicəsinə döyülərək qətlə yetirilən azərbaycanlı qardaşlar - Ziyəddin və Hüseyn Səfərovların cənazələri bu gün Bakıya gətirilib.
News24.az-ın məlumatına görə, “Ural Hava Yolları”na məxsus təyyarə bu dəqiqələrdə Heydər Əliyev Beynəlxalq Hava Limanına eniş edib.
Cənazələr aidiyyəti qurumların müşayiəti ilə hava limanından ekspertiza rəyinin verilməsi üçün müvafiq quruma aparılacaq.
