İngiltərənin “Arsenal” klubu İspaniya millisinin heyətində Avropa çempionu olmuş “Real Sosyedad”ın futbolçusu Martin Subimendini transfer edib.
Moderator.az xəbər verir ki, bu barədə “topçular”ın rəsmi səhifəsi məlumat yayıb.
London təmsilçisi 26 yaşlı yarımmüdafiəçinin transferi üçün "Real Sosyedad"a 65 milyon avro ödəyib. Subimendi ilə imzalanan müqavilə 2030-cu ilə qədər qüvvədə olacaq.
Xatırladaq ki, Martin Subimendi İspaniya millisi ilə Avro-2024-ün qalibi olub. O, 2024/25 mövsümündə “Real Sosyedad”ın heyətində bütün turnirlərdə 48 oyuna çıxaraq 2 qol və 2 məhsuldar ötürmə ilə yadda qalıb.
