Moskvanın Şeremetyevo hava limanında iki sərnişin təyyarəsi toqquşub.
APA-nın Rusiya bürosu xəbər verir ki, Moskvadan Sankt-Peterburqa FV6097 reysini həyata keçirən “Sukhoi Superjet 100” və Pekinə yola düşməyə hazırlaşan Hainan Hava Yollarına məxsus “Airbus A330” (HU7986) təyyarəsi uçuş-enmə zolağı ilə hərəkət edərkən bir-birinə toxunub.
“Superjet” quyruğunu, “Airbus” isə qanadını zədələyib.
Hadisə nəticəsində heç kim xəsarət almayıb.
