Liqa 1: PSJ “Loryan”la səfər matçında xal itirdi

Bu gün futbol üzrə Fransa çempionatında (Liqa 1) 2025/2026-cı illər mövsümünün 10-cu turunun oyunları keçirilib.

Arena.az xəbər verir ki, turun bütün görüşləri eyni gündə baş tutub.

Səfərdə “Loryan”la qarşılaşan PSJ bu dəfə xal itkisi ilə üzləşib. “Olimpik” (Marsel) – “Anje”, “Paris” – “Olimpik” (Lion) və “Tuluza” – “Renn” matçlarında da qalib müəyyənləşməyib.

“Havr” “Brest”i, “Strasburq” “Oser”i, “Mets” “Lans”ı, “Nitsa” “Lill”i məğlub yola salıb. 8 qolun qeydə alındığı “Nant” – “Monako” görüşündə isə qonaqlar qələbə qazanblar.

10 turdan sonra 21 xalı olan PSJ vahid liderdir. “Monako” 20 xalla ikinci pillədə qərarlaşıb. Marsel “Olimpik”i, “Strasburq”, Lion “Olimpik”i və “Lans” 19 xal toplayıblar.