Basketbol: “Şəki” və NTD də 1/4 finala yüksəldilər

Bu gün keçirilmiş son oyunlarla basketbol üzrə Azərbaycan Kubokunda 2025/2026-cı illər mövsümünün 1/8 final mərhələsinə yekun vurulub.

Arena.az xəbər verir ki, sonuncu oyun günündə iki qarşılaşma baş tutub.

“Şəki” doğma azarkeşlər önündə 92:75 hesabı ilə “Sərhədçi”dən güclü olub. “Sumqayıt” isə səfərdə NTD-yə 116:94 hesabı ilə qalib gələrək sensasiyaya imza atıb.

Xatırladaq ki, 1/8 final mərhələsinin ötən gün baş tutmuş oyunlarında “Neftçi” “Lənkəran”ı 86:54 hesabı ilə, “Quba” isə səfərdə “Naxçıvan”ı 105:98 hesabı ilə məğlub edərək 1/4 finala yüksəlmişdi.

Beləliklə, 1/4 finalda aşağıdakı komandalar üz-üzə gələcəklər:

Abşeron Lions – Şəki

Neftçi – Gəncə

Quba – Sabah

Ordu – Sumqayıt

Qeyd edək ki, basketbol üzrə Azərbaycan Kubokunda 1/4 final mərhələsinin oyunları 18-22 fevral aralığında baş tutacaq. Bu mərhələnin bütün oyunları Bakı İdman Sarayında keçiriləcək.