ABL: “Naxçıvan” və “Şəki” pley-inə qələbə ilə başladılar

Bu gün Azərbaycan Basketbol Liqasında (ABL) 2025/2026-cı illər mövsümünün pley-in mərhələsinin oyunlarına start verilib.

Arena.az xəbər verir ki, ilk oyun günündə iki qarşılaşma baş tutub.

Günün ilk oyununda “Quba” “Şəki”ni qəbul edib. Quba Olimpiya İdman Kompleksində keçirilmiş görüş qonaqların qələbəsi ilə yekunlaşıb – 101:89.

Daha sonra “Naxçıvan”la “Sərhədçi” qarşılaşıblar. Bu görüş Bakı İdman Sarayında reallaşıb. Qarşılaşma Naxçıvan təmsilçisinin qələbəsi ilə yekunlaşıb – 98:87.

Qeyd edək ki, bu komandalar arasında ikinci oyunlar aprelin 6-7-də keçiriləcək. Zərurət yaranacağı halda, əlavə oyunlar aprelin 9-10-da təşkil olunacaq. Bu qarşılaşmalar pley-in mərhələsində qaliblərin müəyyənləşməsi üçün həlledici rol oynaya bilər.

Sonda onu da xatırladaq ki, ABL-də yarımfinal seriyaları da 2 qələbəyə qədər davam edəcək. Final seriyasında isə ən tez 3 qələbə qazanacaq komanda Azərbaycan Basketbol Liqasının çempionu olacaq.