LƏNKƏRAN, 21 oktyabr. TELEQRAF
Lənkəranda yol-nəqliyyat hadisəsi nəticəsində 61 yaşlı velosipedçi ağır xəsarət alıb.
Teleqraf-ın Cənub bürosu xəbər verir ki, qəza rayonun Vel kəndi ərazisində baş verib.
Hərəkətdə olan avtomobil Lənkəran rayonunun Xolmili kənd sakini, 1964-cü il təvəllüdlü Rəfail İlyas oğlu İmanovu vurub.
Ağır bədən xəsarətləri alan velosipedçi Rayon Mərkəzi Xəstəxanasının Təcili yardım şöbəsinə çatdırılıb. Həkimlər ona dəqiqləşdirilməmiş kəllə-beyin travması, dəqiqləşdirilməmiş koma və bədənin bir neçə nahiyəsində açıq yaralar diaqnozu qoyublar.
O, reanimasiya şöbəsinə yerləşdirilib, vəziyyəti ağırdır.
Faktla bağlı araşdırma aparılır.
