Minifutbol: “Zirə” Azərbaycan çempionu oldu! – ARENA.AZ

Bu gün keçirilmiş həlledici oyunlarla minifutbol üzrə Azərbaycan çempionatında 2025/2026-cı illər mövsümünə yekun vurulub.

Arena.az xəbər verir ki, günün ilk oyununda üçüncü yeri tutan komanda bəlli olub.

Bürünc medal uğrunda oyunda “Aznur” “Sumqayıt”la üz-üzə gəlib.

Bakı Tennis Akademiyasında baş tutmuş qarşılaşmada “Aznur” 6:4 hesablı qələbəyə sevinib.

Daha sonra final matçı baş tutub. Həlledici görüşdə “Zirə” dördqat ölkə çempion olan “Birbaşa Bakı” komandası ilə qarşılaşıb. Bu oyun da Bakı Tennis Akademiyasında təşkil edilib. “Zirə” həlledici oyunda 4:1 hesablı qələbəyə sevinib.

Beləliklə, minifutbol üzrə Azərbaycan çempionatının 2025/2026-cı illər mövsümündə “Zirə” qızıl, “Birbaşa Bakı” gümüş, “Aznur” bürünc mükafata sahib çıxıb. Sözügedən komandalar həm də Azərbaycanı avrokuboklarda təmsil etmək hüququ qazanıblar.