“Rosel” holdinqi (“Rostex” dövlət korporasiyasının bir hissəsi) tərəfindən hazırlanmış “Penisillin” artilleriya kəşfiyyat kompleksi Rusiya hərbçilərinə düşmən mövqelərini müəyyən etməyə və saniyələr ərzində cavab atəşi açmağa imkan verir.
Herbiand.az xəbər verir ki, bu barədə “Rostex”dən bildirilib.
“Bizim “Rosel” holdinqimiz tərəfindən hazırlanmış “Penisillin” səs və istilik kəşfiyyatı kompleksi rus əsgərlərinə xüsusi hərbi əməliyyat zonasında əks-batareya döyüşü aparmağa kömək edir. Onun köməyi ilə hərbçilər saniyələr ərzində düşmənin atəş mövqelərini müəyyənləşdirir və öz artilleriyasına cavab atəşi üçün hədəf təyinatlarını verirlər”, - dövlət korporasiyasından bildirilib.
Kompleks yeni nəsil kəşfiyyat sistemlərinə aiddir. O, eyni anda üç növdən olan məlumatları birləşdirir: seysmik, termal və vizual. Sistem günün istənilən vaxtında və həddindən artıq temperaturda - mənfi 40 ilə müsbət 60 dərəcə Selsi arasında effektiv işləyir. Kompleksin əsas üstünlüklərindən biri onun tamamilə passiv rejimdə işləməsidir. “Penisillin” siqnal vermir, ona görə də radio istiqamətini tapmaq üçün görünməz qalır. Onu elektron müharibə vasitələri ilə zərərsizləşdirmək mümkün deyil.
Bəxtiyar CƏFƏRLİ
