“Qarabağ” dünya reytinqində 1 pillə gerilədi – ARENA.AZ

Azərbaycanın “Qarabağ”, “Zirə”, “Sabah”, “Araz-Naxçıvan”, “Neftçi” və “Turan Tovuz” klublarının dünya reytinqindəki mövqeləri bəlli olub.

Arena.az xəbər verir ki, Beynəlxalq Futbol Tarixi və Statistikaları Federasiyası (İFFHS) bu gün klubların yeni dünya reytinqini açıqlayıb.

İFFHS-in cədvəlində planetin 704 ən yaxşı komandası yer alıb. Siyahıda Azərbaycanı 6 klub təmsil edib.

Hazırda 182,5 xalı olan “Qarabağ” yeni siyahıda 1 pillə geriləyib. Azərbaycan çempionu 68-ci sıradan 69-cu yerə düşüb.

Digər klublarımızdan “Sabah” (93,5 xal) 252-ci mövqedən 224-ə qalxıb. “Zirə” (66,75) 360-cı sıradan 389-a enib. “Araz-Naxçıvan” (60,25) 486-cı pillədən 456-ya, “Neftçi” (51,25) 563-dən 553-dək irəliləyib. “Turan Tovuz” (45) da geriləyən klublar sırasındadır. Tovuz komandası 608-ci pillədən 627-yə düşüb.

Dünya reytinqinə 613 xalı olan Fransa çempionu PSJ rəhbərlik edir. İspaniyanın “Real” klubu 471 xalla ikincidir. İlk üçlüyü İngiltərənin “Çelsi” klubu qapayır – 447 xal.

Reytinq siyahısının ilk 10 pilləsində qərarlaşmış komandaların siyahısını təqdim edirik:

1. PSJ (Fransa) – 613 xal
2. Real (Madrid, İspaniya) – 471 xal
3. Çelsi (İngiltərə) – 447 xal
4. İnter (Milan, İtaliya) – 447 xal
5. Bayern (Almaniya) – 440 xal
6. Flamenqo (Braziliya) – 424 xal
7. Barselona (İspaniya) – 419 xal
8. Arsenal (İngiltərə) – 407 xal
9. Palmeyras (Braziliya) – 384 xal
10. Borussiya (Dortmund, Almaniya) – 384 xal