Cennaro Qattuzo İtaliya millisindən getdi – Rəsmi

48 yaşlı italiyalı futbol mütəxəssisi Cennaro Qattuzo İtaliya milli komandasının baş məşqçisi vəzifəsindən istefa verib.

Arena.az xəbər verir ki, bu barədə İtaliya Futbol Federasiyasının mətbuat xidməti məlumat yayıb.

Qattuzonun müqaviləsinə qarşılıqlı razılıq əsasında xitam verilib. O, 2025-ci ilin yayında milliyə baş məşqçi təyin olunmuşdu. İtaliya millisi bu məşqçinin rəhbərliyi altında cəmi 8 oyuna çıxıb, 6 qələbə qazanıb, 2 məğlubiyyətə üzülüb.

Xatırladaq ki, komanda Qattuzonun rəhbərliyi altında DÇ-2026-ya vəsiqə qazana bilməyib. İtaliya millisi pley-off mərhələsinin final matçında Bosniya və Herseqovina yığması ilə bacarmayıb.

Cennaro Qattuzo daha öncə Xorvatiyada “Hayduk”un (Split), İspaniyada “Valensiya”nın, İtaliyada “Napoli”, “Milan”, “Piza” və “Palermo”nun, Yunanıstanda “OFİ Krete”nin, İsveçrədə “Syon”un, Fransada Marsel “Olimpik”inin də baş məşqçisi olub.