Fərid Atakişiyev milliyə kömək edə bilməyəcək

“Neftçi”nin üzvü Fərid Atakişiyev təlim-məşq toplanışına yığışacaq futzal üzrə Azərbaycan milli komandasının heyətindən çıxarılıb.

Arena.az bu barədə Azərbaycan Futzal Federasiyasının mətbuat xidməti məlumat yayıb.

Xəbərdə bildirilir ki, yanvarın 22-də və 24-də Danimarka yığması ilə yoxlama oyunları keçirəcək futzal millimizin təlim-məşq toplanışı üçün açıqlanmış heyətində dəyişiklik edilib. “Neftçi”nin formasını geyinən Fərid Atakişiyev ailə vəziyyəti ilə əlaqədar hazırlıq prosesində və oyunlarda iştirak edə bilməyəcək.

Xatırladaq ki, yanvarın 18-dən 24-dək Bakıda Azərbaycan millisinin təlim-məşq toplanışı olacaq. Baş məşqçi Yevgeni Kukseviç hazırlıq prosesinə 4-ü qapıçı olmaqla ümumilikdə 19 futzalçı dəvət etmişdi. Atakişiyevin siyahıdan çıxarılmasından sonra heyətdə bu oyunçular qalıb:

Qapıçılar: Emin Kürdov, Rövşən Hüseynli (hər ikisi “Araz-Naxçıvan”), Cavad Məmmədov (“Baku Fire”), Kamran Hacıyev (“Neftçi” İK)

Oyunçular: Ədalət Ələkbərov, Qüdrət Qasımzadə, Ülvi Əliyev (hamısı “Araz-Naxçıvan”), Eldar Zeynalov, Fərid Abbasov, Kənan Manafov, Novruz Kazıxanov, Oktay Rüstəmli, Nurlan Məmmədov, Tofiq Mikayılov, Murad Quluzadə (hamısı “Baku Fire”), Emil Həsənzadə, Nihad İsmayılov, Tofiq Əliyev (hamısı “Neftçi” İK)