“Azərreyl” ÇL-də “Radniçki” səddini keçə bilmədi

Kişi voleybolçulardan ibarət “Azərreyl” komandası Çempionlar Liqasının 2025/2026-cı illər mövsümündə növbəti matçına çıxıb.

Arena.az xəbər verir ki, Azərbaycan təmsilçisi təsnifat mərhələsinin 1-ci turunda Serbiyada “Radniçki”nin qonağı olub.

Təmsilçimiz ilk matçda olduğu kimi, cavab qarşılaşmasında da rəqibinə 0:3 hesabı ilə uduzub.

Mərhələni keçə bilməyən Azərbaycan klubu bundan sonra CEV Kubokunun 1/32 final mərhələsində çıxış edəcək. Bu turnirdə komandamızın rəqibi “ACH Volley Lyublyana” və “Orion Stars Doetinçem” cütünün məğlub komandası olacaq.

CEV Çempionlar Liqası
İlkin mərhələ (cavab oyunu)
29 oktyabr

“Radniçki” – “Azərreyl” 3:0 (25:23, 25:22, 25:19)

Xəbəri istədiklərinizlə paylaşın