“Arsenal” Premyer Liqada qələbə sayına görə ikinci oldu

“Arsenal” komandası futbol üzrə İngiltərə Premyer Liqasında qazandığı qələbələrin sayına görə ikinci kluba çevrilib.

Arena.az bu barədə Britaniya mətbuatına istinadən xəbər verir.

London təmsilçisi bunu çempionatın 9-cu turunda “Kristal Pelas”la görüşdə reallaşdırıb. Qarşılaşma “topçular”ın 1:0 hesablı qələbəsi ilə başa çatıb. Bu, komandanın 700-cü qələbəsi olub. Paytaxt klubu bu göstəricidə yalnız “Mançester Yunayted”dən (760 qələbə) geri qalır.

Xatırladaq ki, “Arsenal” İngiltərə Premyer Liqasının 2025/2026-cı illər mövsümünə uğurlu başlayıb. Mikel Artetanın baş məşqçisi olduğu kollektiv hazırda 22 xalla turnir cədvəlinə başçılıq edir. Komanda cari mövsümdə keçirdiyi 9 oyunda 7 qələbə qazanıb, 1 heç-heçə edib, 1 məğlubiyyətə üzülüb. “Topçular”ın top fərqi isə 16:3-dür.

Xəbəri istədiklərinizlə paylaşın